Fractie

Algemiene beskôging – Koersnota 2022

Achte foarsitter

De koersnota jout rjochting oan de noch op te stellen begrutting en is it moment foar de fraksjes om middels harren beskôging oan te jaan wat se fine fan de rjochting dy’t it kolleezje foar hat.

It ôfrûne jier wie in jier wêryn ús deistiche, fertroude libben der hiel oars útseach en we seachen út nei bettere tiden. We hoopten fan alles: foar úsels en ús gesinnen. Foar ús ynwenners dy’t mei iensumens te meitsjen krigen, foar bêrn dy’t net nei skoalle koenen,foar de  jongerein foar wa’t de wrâld hieltyd lietser waar.

We hoopten op bettere tiiden foar ús ûndernimmers, foar al dy ynwenners yn  de soarch, foar alle mantersoargers foar wa’t it hast net mear fol te hâlden wie. It wie in tiid fan oanpasje, mar ek fan nij elan en nije ynitiatieven.

Hoop, ik haw it wurd al in pear kear neamd, docht libjen. De ChristenUnie wol dan ek in pear hoopfolle keuzes meijaan.  

Foarearst: Omtinken foar de bloei fan de stêd en de doarpen

De ChristenUnie wol dat  eltsenien in hús, thús hat Der is in grutte behoefte oan wenten yn de stêd, mar ek yn de doarpen. It is goed dat der in ympuls komt foar it fersnellen fan it bouen fan wenten.

Ek de âlderein moat yn SWF op in weardiche wize âlder wurde. Mei passende wenromte yn in omjouwing dêr’t passende soarch joent wurde kin en wêr’t se op in feiliche wize in kuier meitsje en libje kinne. Generaasjes hawwe mekoar nedich en kinne mekoar de helpende hân biede.

Dêrom pleite wy foar in wize fan bouen en ynrjochting fan wenwyken dêr’t ynklusy it útgangspunt is. Wêr plak is foar starters, jonge gesinnen en âlderen.  Wêr wenningen komme dy’t geskikt en betelber binne foar de mienskip.

Fierder wol de ChristenUnie dat bêrn de romte krije om bûten te boartsjen.Yn eltse wyk of doarp moat dêr plak foar wêze yn de foarm fan in boarterstún of in oare foarm om bêrn te enthousiasmeren. It moat net allinne yn in nijbouwyk realisearre wurde, mar yn eltse wyk of doarp. It bûtenboartsjen is in wichtiche saak yn de sûnens fan ús bern. Is it kolleezje dêr mei iens en wolle se dat oerweachje?

No’t SWF maatskiplike ynstellingen sûnder winsteachmerk finansjeel wol ûndersteune, wolle wy stifting ‘Fier’ foardrache foar ekstra jild. Sy binne de ôfrûne jierren koarten yn harren subsydzje, mar binne wichtich yn de help foar de hjoeddeistiche minskenhandel. Op 22 juny 2021hat der in hiel stik yn de Ljouwerterkrante stien oer it prostitutiebelied. Is it kolleezje ré om hjir jild foar te reservearjen?

2. Omtinken foar mekoar

Yn SWF wurdt nei mekoar omsjoen. Yn dit jier fan de frijwillichers (2021) is it goed om te sizzen dat sy tige wichtich binne. Tûzenenen ynwenners, jong en âld, út ús gemeente sette harren yn as frijwillicher by sportferienings, organisaasjes of tsjerke. Tank oan al dy frijwillichers. Yn dit jier meie sy wol in plúmke fan ús hawwe, want se dogge in protte wurk. Hjirby tinke wy ek oan it tal mantelsoargers dy’t stadichoan groeit.

De ynset fan ‘Eigen krêft’ moat de basis wêze fan ús mienskip. We wolle helpe wêr’t dat nedich is, mar ek de eigen kreft oanmoedichje. De stipepunten moatte noch mear ûnder de oandacht brocht wurde, sadat it in leechdrempelige foarsjenning wurdt etsenien dy’t help nedich hat.

Op 2 july 2021 wie der in bernekonfereansje. De oanstelling fan in bêrneboargemaster is in stap yn de belutsenens fan bêrn en dêrmei ek de âlders.  

3. Omtinken foar de skepping

We genietsje folop fan wat de skepping ús jout en it is ús opdracht om foar dy skepping te soargjen. It ôfrûne jier hat de natuer ek in herwurdearing krigen. We makken faker in kuier, lutsen nei de natuer om op adem te kommen. En op dy natuer moatte we súnich wêze. Dêrom binne we bliid mei de bloeiende bermen en de oandacht foar biodiversiteit.

Ek de kommende tiid sil de enerzjytransisje heach op de agenda stean. Der komme ynnofatieve ynitiatieven fan ynwenners om ta duorseme enerzjy te kommen foar harren eigen doarp of wyk. Wy wolle dizze ynitiatieven ûndersteune. Yn de koersnota wurdt foarsteld om fan fossiel nei duorsum te gean troch yn te setten op aquathermie en wetterstof. Dochs der is  noch genôch plak foar  sinnepanielen. Ús fraach is oft wy de daken fan skoallen net foarsjen kinne fan sinnepanelen. De gemeente is ferantwurdlik foar de húsfesting fan skoallen en is op dizze wize in foarbyld. Ek de dakken fan ús mfc’s soenen fersjoen wurde kinne fan sinnepanelen.

Oft we bliid binne mei de skepping is it ek wichtich om de bewenners bewustwêzens by te bringen yn it skjin hâlden fan ús gemeente. Noch hieltyd lizze der fleskes, blikjes, papier en rommel yn de natuer. Gelokkich is der no stasjejild ynfierd foar lytse fleskes, mar der is folle mear. De ChristenUnie wol graach yn eltse wyk in team hawwe dy’t der op tasjocht dat it skjin bliuwt yn de wyk en meiinoar de hannen út de mouwen stekke wol om de boel op te romjen. Wy binne súnich op ús libbensomjouwing. De ChristenUnie wol harren ynsette foar dy bewustwêzens ûnder de ynwenners en wol benammen de skoallen stimulearje om it de bêrn te fertellen en harren te oerstjûgje fan in skjinne wrâld..

Ta slot

As rie sykje we meiinoar nei it bêste foar SWF, eltse fraksje hat harren eigen aksenten. De ChristenUnie jout aksinten yn it omtinken fan de bloei fan stêd en doarpen, omtinken foar mekoar, ek foar ús nije boargers en ta slot omtinken foar de skepping. Want alles wat omtinken krijt, sil groeie.

Wy tankje eltsenien yn dit hûs foar syn of har ynset foar SWF en winskje it kolleezje in protte wiisheid en boppenal Gods seine ta by it útfieren fan de plannen.

Dank je wol.

Geartsje Horjus-Vos,

fraksjefoarsitter ChristenUnie, SWF